احله سلام على اعضاء
( منتدى\عراق المحبه )
ابو ذيات الشاعر حسن ساس
من دونك كلبي بألم شعر بيه
والشيب اكل راسي وماضل شعر بيه
اكتبت الحزن قصيده وشعر بيه
افرح بالحزن والحزن يقهر بيه
داعي عليك ومتنخي علي ولينه
كلبك وياي بس طري ولينه
مو جنت لك مثل عدنان ولينه
ونته مثل ساسوكي شو صاير عليه
حبيبي وجان لجروحي دوه لي
وهم ترد النوب واكلك دولي
مو تكسي انته قطار دولي
لأن كل ساعه وتحب عشره سويه
تحله بجمالك هذه حيل وهوايه تحله
انه السكر كتلني ونته علي تحله
الكلب اسير وما اضن راح تحله
وبس احضه بيك اعلمك شنهي المنيه
غششتك بروحي دغشنه
ونعلمك الصدك من دغشنه
اسلوبك مره علي دخشنه
مثل الثلج بالنار احطك بديه
كجه وتريدين الكلب اخذيه جري
ومن وجهي يله طفري جري
خشيم وبستج يم حلك جري
ويزيدج شرف تفتخرين لو امد اديه
اشرد لو شفت جلب ويخوفني جرو
وشجاك شلون اتصير جرو
حفاضه لبسو وبالصدر جرو
والبنات امجيمات ضلت خطيه
لجل عينك اعوف الدنيه وناسي
وتروح فدوه الك هيفه وناسي
لا تضن تاه الوعد مني وناسي
واليدخل بالكلب معناه اليه
صيطره للقهر بالكلب نقطه
وبحر الحزن والفرحه نقطه
قلمنه اشما كتب من ضيم نقطه
ونكله اكتب كلمتك بالكلب شضيه
من العشك بس القهر ضل منه
وبجه حته الصخر من ضلمنه
مو جنه نور شو بسرعه ضلمنه
غبره دنيانه وتحمل الطيب اذيه
لغير ضحكتك ماتسمع اذاني
وبفركتك حيل الكلب اذاني
بس كلي لمنو رايد تحب اذا آني
مجنون اصير من فرحتي واموتك بديه
حبيبي انته بالكلب والكلب مال احنه
وتضوك العسل انته من مالحنه
نمد الأيد على النجم بس مالحنه
ونزل النجم من عرف هذه الك هديه
مرن كلبك عله الطيب مرنه
ومل حته الصبر من مرنه
بيومك لو رحت ارجوك مرنه
واخذنه وياك لحد المنيه
تركتني انته وشنو مني بدر
وبدونك هلالي ما يكمل بدر
وعل جرح كال نصرت بدر
مرت سنه ونوم ما مر عليه
تحياتي للجميع
